Staje luntana da 'stu core, a te volo cu 'o penziero niente voglio e niente spero ca tenè a tte sempe a ffianco a me! Si' sicura 'e chist'ammore comm'i so' sicuro 'e te...
Oj vita, oj vita mia... Oj core 'e chistu core... Si' stata 'o primmo ammore... E 'o primmo e ll'urdemo sarraje pe mme!
Quanta notte nun te veco, nun te sento 'int'a 'sti bbraccia nun te vaso chesta faccia, nun t'astregno forte 'mbraccio a mme?
Ma, scetannome 'a 'sti suonne, me faje chiagnere pe tte...
Oj vita, oj vita mia... oj core 'e chistu core... si' stata 'o primmo ammore... e 'o primmo e ll'urdemo sarraje pe mme!
Scrive sempe e staje cuntenta: io nun penzo che a tte sola... Nu penziero me cunzola, ca tu pienz sulamente a mme...
'A cchiù bella 'e tutte 'e bbelle, nun è maj cchiù bella 'e te!
Oj vita, oj vita mia... oj core 'e chistu core... si' stata 'o primmo ammore... e 'o primmo e ll'urdemo sarraje pe mme
